疾病無法阻止愛💚

手術後差不多兩個月啦。只能說感覺奇怪，情緒又忐忑。

由四月抽針，5月2日第一次手術局部切除(雖則局部，但因癌瘤範圍也不少，再加胸部是納米size,事實跟全切差不多😅)，確診由原位變癌病一期🙈。接著5月10日第二次手術😑，切除兩粒前哨淋巴（可幸無感染)。5月17立即服用抗賀爾蒙藥💊，也於6月18日開始為期共33次的電療⚡️⚡️⚡️。沒完沒了似的⋯⋯⋯

以為心情可以平伏，但原來還未可以☹️
相信是賀爾蒙失調影響、導致心情有點低落，加上失眠，情緒有時會直墜，無故哭泣⋯⋯
實情又擔心這、擔心那⋯⋯怎麼啦😒。我要多點正能量喔💚。

上帝真是早有預備💚，無啦啦又遇到同樣找暖男醫生為主診醫生的同路人。
咁沉悶的治療過程中又起了一點連綺、衝擊💪🏻與及人生反思🔥。

不得不提當然是海鮮小姐🐠。
不🉐️了的這位海鮮小姐，性格應該跟我相隔一整個宇宙🌏。

我小心謹慎，她隨性隨心
我較C文平實💁🏻，她跳脫活潑💃🏻（簡直是擁有無盡活力的好動兒🙋🏻）
總之是vice versa 😅

最重要，🐠海鮮小組除了擁有澎湃的感染力，並且有能力帶來數以噸計的歡樂給週邊的人😆😆😆。我敢說，她有能力讓人笑到爆腎🙈🙈🙈。(奇人喔）

當然，我們均有相同理念：希望凝聚一點力量🌟，跟同路人相互分享、關懷、支持。去迎接乳癌帶來的一切挑戰。

正所謂：痴痴呆呆、坐埋一枱😂😂😂(笑），實情我骨子裏都有無聊攪笑基因喔。那就一拍即合，go ahead 去攪攪新意思鳥🐦。

Ok, D副面情緒可以放在一旁la✌🏻
係時候做D 有義意的事情la 💚

我唔希望，白白的生cancer （仲要兩次）😑。
能夠以生命影響生命，那才是歸因。

生活作息的大轉變🙄🙄🙄

患癌後真是徹底改變過住的生活、作息與習慣

今次試試總結一下這無奈/奇妙的改變。

好奇怪，雖然放空時間多了(仍放病假中），但這段日子真未感覺悶喔😊。

1）癌後之日常活動

🏥覆診：手術後一個月相當密，之後小很多(也有點失落感👉🏻👈🏻）。
尤其覆診公立，花半天是最基本了。而每次覆診時都要想好問題並記錄下來。要知道，約見醫生的時間非常非常珍貴噢，要簡短、到point , 而且可避免自己有遺漏，所以非常重要，一定要將問題寫下問醫生。

至於覆診私家醫生比較輕鬆，免卻好多等候時間，相對地，私家醫生比較有耐性分析、解答（尤其是我的暖男醫生👨‍⚕️）。所以，每次私家覆診都伴隨行街shopping 的後續，也可令人心情愉悦💃🏻。

⚡️電療：雖然未開始，相信有夠我忙。逢星期一至五，天天⚡️。由於要花時間在交通上，相信也攪了我半天。

🏃🏻‍♀️運動：這個暫時未花我很多時間。
現時每天練習八段錦。並且多做手部伸展運動🙌🏻。因為手術後腋下有拉緊的感覺，要多做stretching. 每天一百次應該達標的。跟據其他病友分享，只是以後都要乖乖做拉手臂動作以防肌肉收縮。這個我可不擔心。

反而想重提跑步這玩意兒🏃🏻‍♀️。不過，好多過來人都不主張這階段跑步。而且最近天氣好熱、又濕，都是保持皮膚乾爽，以便之後電療好一點。因此，這個跑步碎念又終止了🤷🏻‍♀️。

👩🏻‍🏫上課：由於參加了癌協的課程，也著實佔據了好多時間。逢星期二及四上堂，每課2.5小時。包括＂走出抑鬱角度" 及"癌症鬥士課程"  (一笑😅)。

上課有專業社工帶領，可以盡情分享患病後之感受，真是不孤單的🙂。而且組員彼此互不相識，反而可以拋開故慮，分享大家活生生的經驗😲。彼此支持鼓勵💪🏻，較易堅強面對療程。

除了靈性上課程，我也報了護膚品製作班及園藝班(各一課☺️），也是令人心情愉悅的好活動😊。

另外，癌協也有專業的輔導員，這真是非常好的服務，好感恩能在癌協遇到這麼多好人、好事，跟我一起走過這難挨及黑暗的日子⋯⋯避免走到牛角尖。

✍🏻總結：每天攪這攪那，日子就快快流走了。而且也挺充實的👍🏻。

2） 癌後的日常作息

基本上我癌前的作息也很規律的。一般晚上十一時前都乖乖睡覺, 並且睡得像🐷一樣。

由於已經開始了服用抗Hormones藥 💊＂Tamoxifen＂ ，也伴隨癌後的擔憂焦慮，睡眠品質著實差了好多😴。現在將Tamoxifen 改為早上服，隔晚吃一粒Pregabalin，斷續地，可睡到五、六小時或更多🤤。心情更為平伏。有好心情才可以打扙醫病💪🏻。

🌟註：當我被確診癌變為一期時，因為接受不到，變成抑鬱焦慮，完全不能入1睡，這苦還記憶猶新，也相當可怕😧（有想殺人/自殺feel)。所以睡眠真的好重要噢🙈。

3）癌後之飲食😋

哇，這個課題對癌友真是個大挑戰🙄。
初確診階段：聽到自己生cancer 之初，好快聯想食物。（本人不煙、不酒、不肥、不多
吃肉早睡早起、多吃菜、多走路⋯⋯）係近兩年工作壓力大之麻🤦🏻‍♀️⋯⋯
係咪我食🉐️义焼多？一星期吃一包薯片係咪關事？夏天愛喝Diet Coke 係咪致癌？我家食水含鉛麼？，
食物驚恐症就跑出來！。一。，




朋友又話不要吃雞、不要喝奶、忌吃飯、忌吃甜、忌辛辣、海鮮………
一位中醫建議更誇張：差不多除了豬肉、菜芯、蘋果及清水之外，其它一律盡🈲️
吃🉐️太飽會養大癌細胞……
嗯嗯. 那癌未死先餓死了🤦🏻‍♀️。

癌後好似食乜都有罪，食乜都生cancer
在這個陰影籠罩下，體重每況愈下，新低點至110 磅💀
(身高168 cm, 高峯期超過120磅)。現在跟紙板人沒甚分別🤢⋯⋯

手術後，思想較為理性，明白不能走到太極端，但都要多多注意。
暫時因體重有點輕，製定目標重回115磅🎯，並希望多長肌肉。

總結餐單🥖🍝🍚：
早餐：淡咖啡，伴椰奶（走牛奶）+ 麵包或蕃薯🍠
午餐：通常外出用膳，順道給自己一點開心感覺。
晚餐：盡量在家用膳，由愛人預備。以清淡為原則。主食為豬肉、伴蔬菜及清湯。

外出用午餐？
一般外出午餐價錢較公道。所以試了好多新餐廳😊。
如尖沙咀枷椰（韓國菜）。Go Green （素菜）、Dazzling Cafe 。沙田新城市：Brown Mellow。黃大仙中心：各類日本菜、茶餐廳、西餐廳、中式粥麵……… 。銅鑼灣 Triple O (veggie burger🍔). 以至火煱都試了🥘。

雖然獨自吃午餐，但感覺真不錯🤤。總之務求令自己有愉悅的心情噢。

用餐注意：
😋早、午、晚三餐正常份量。可給自己有吃飽的感覺。
😋略為吃小一點澱粉質🍚⬇️。白米飯中會加上紅米。一
😋肉類主要為豬肉，外出用膳就選雞肉（走皮）。週末、星期日回娘家就加吃魚。
😋繼續多吃菜（特別抗氧化類如蕃茄、西蘭花）
😋每天一至二款水果（主要為橙及蘋果）
😋減少咖啡，介凍飲，介汽水(或改為梳打水、綠茶或玄米茶)
😋忌辣及熱氣食物
😋每天一至兩杯營養飲品（Prosure + Oral Impact）以增磅
😋小食：無花果、杏仁、果仁、十穀粉、芝麻糊。

4) 患癌後的思想陷阱🤢
一而再患癌，任誰也易有草木皆兵的幻想😒。
尤其初確診階段，除了擔心、害怕、失眠，並伴隨心悸、呼吸困難等症狀。而龙術後傷口痛，又被引申為癌轉移，什麼胸缐癌、骨癌之類。這種充斥著焦慮恐慌的心情，是右額葉的思憂反應😞。而主管激情的杏仁核，馬上接駁負責回憶的海馬區，呈現以往的訊息，如乳癌好容易擴散之類的資料……：…

驚恐🉐️快要腦核爆似的☄️☄️☄️🔥🔥🔥。
還好，遲來的左額葉現在發揮理性的作用了👩🏻‍💻。
嗯，太杯弓蛇影吖、太擔心也無助身體康復的，而一期的治癒率好高，倒不如好好的開心過日子喔。

5） 癌後的衣著打扮👗👚👖
這課也有點心🉐️。
衣著👚
現在身體太瘦，胸也是扁扁的，自己也好不喜歡😕。
也因為電療，身上被畫了記號，所以大領衣服、貼身衣服及背心也是no no 的。
另外，為方便覆診、電療，衣服也以方便穿脫為主。

Bra 現在也不用/需穿了。🔥改為穿Uniqulo Bra Top 了。這個也很方便。只是怕有點緊及非綿質。
唯一感覺高興，就是因為變瘦，穿回褲子時竟然大腿位是好鬆的，這是唯一可喜之處😙。

鞋子嘛，因每天往外走，白色Nike 跑鞋回穿率超過98%👟👟。

打扮🤡

事實上，我也不希望帶著一個癌樣出街走。
所以，逢外出，無論覆診呀、上課呀、逛街呀，都化了妝出門。粉底又買、飾物又買、衣服又買，總之能令自己看起來精神一點的都買吖🤓。

而最愛聽的話：＂妳個個樣好精神喔＂。每次都沾沾自喜😂。

不過，由於吃了抗hormone 藥關係，明顯皮膚差了。即使現在盛夏，仍感到皮膚又乾、又粗。這當然是藥後、更，年期的反應，我想遲一點會更嚴重。提早十年變老喔🤢👵🏻🙈，OMG.
要買多點保養品抗老吖。SK 3，4, 5😒😒😒可以麼？要加把勁護膚了💪🏻💪🏻💪🏻。



6） 自我形象😎
說實話，現在感覺自卑了。
始終是個癌症病人嘛，真的擔心番發、擴散之事。
以往的工作目標，好像慢慢流失了⋯⋯。而事實上也不敢多想😔😭🤢。
説好的升職、讀PHD ？不想了🙈。讀書未完、又未升職就瓜咗咪大件事🙈🙈🙈。


倒不如想想如何令自己快樂更好👍🏻。

還好有固定職業及收入。可以免除財務的問題。

另外，現正放假中，休息後體能可以應付嗎？
外觀上，整個人又瘦💀又老又醜也不易接受。

又腦核爆喔☄️☄️☄️🔥🔥🔥。
還是珍惜今天好了🙈🙈🙈。

7) 癌後之餘閒活動
說也奇怪，病後竟然有閒情從拾一些有趣活動😊。
例如練習寫英文藝術字、小手作、看書、、聽歌、寫文章(及寫blog) 。而且居然還很有🈵️足感，簡直達到了心理學上所謂＂神馳＂的狀態(Flow)🤤。這個真是意想不到。



不需記掛昨天
不要憂慮明天
好好活在今天

（這個是從癌協洗手間看到的字句）

驚濤駭浪的一個月🌊🌊🌊

以手術日子計，今天剛好滿一個月。
心情算是平伏下來，也想好好記錄抒發一下✍🏻。

自上年(2016年）年尾首患子宮頸原位癌，至今年四月確診乳癌，並進行治療。短短半年光景，感覺像是過了幾載🗓。

經歷了驚濤駭浪的半年，真讓人情緒直墜，像是迷失了靈魂似的💔。我從來都不是個堅強的人，也容易退縮，並且是個愛哭鬼。或許上天要給我一點考驗，緞練一下我的意志、與及忍耐力，去造就更堅強的我💪🏻。

現在定一定神，事情(治療）總算一步一步的挨過去了🚶🏻‍♀️。雖然治療仍未完成 (等待電療中)。而事實上，這個癌症經已變成我終身的事業，會伴隨一世🙍🏻。

朋友給我的比喻也挺貼切，一個蘋果🍎開始壞了是無法逆轉的，正如我現在的身體狀況。但是，只要蘋果樹🌳不爛就可以了。

我也曾試著理解命運中的這種失控😔。
事實上是多餘的。那倒不如依頼自己的意志力量🌟、順應天意(上天自有安排），以及醫生、伴侶、朋友、親人的協助，去應付這一切的驚濤駭浪🌊。

在堅持不下的時候，就只有再堅持💪🏻。
再難過的，也總會過🙂。
咬緊牙關，堅持下去，等待雨過天晴☀️。

我們都在上演自己的戲份，既然上演了，就當今天是最後一天，開心地演下去吧。

之後，也想好好記錄一下患病後一些奇怪的思想感覺，與及患癌後的生活逸事😊😊😊

#雨過天晴# 潰已崩完# ⛈🌤🌞

2017年5月16日

時間又飛咁快💨💨💨
暖男醫生confirm 不用Chemo la 👏🏻👏🏻👏🏻

鳴嗚😭😭😭
喊出泥😵😵😵

小丸子D運番泥啦
潰已崩完啦（希望）………

😲 Wow 可以比我抖一抖🙈
不過，治療仍是會繼續。兩味：

1） 抗Hormones藥 💊💊💊
2） 電療⚡️⚡️⚡️

📚📚📚長知識系列：
扮下代表講解一下普遍治療方向👉🏻👈🏻：

👨‍⚕️手術治療：當然最重要係切清🔪有癌腫的地方
💊抗 Hormones 藥：是預防乳癌番發（兩款：Tamoxifen 或AI) 小丸子食前者
⚡️電療：是多一重保險，以防仍有癌細胞存在，趕盡殺絕🔫
🌡化療：令人膽顫心驚。視乎每人癌症情況而不同。小丸子是Stage 1b。 Hormones 授體均具  陽性，Her2  negative. 腫留6mm. 可辛不需化療。
🎯Target Therapy：針對Her2型的乳癌患者

💻有疑問大家可以browse 暖男醫生網頁，便找到淸𥇦、詳盡及專業之答案👍🏻👍🏻👍🏻

一句到尾。每人乳癌情況完全不同，都係要同醫生商量👨‍⚕️

📣📣📣順帶一提各姊妹：
手術治療，有🉐️㨂最好選擇＂乳缐外科專科醫生＂（而非外科醫生）這點好重要。

長知識系列，講完🙄。

由於小丸子選擇到公立醫院電療⚡️⚡️⚡️
🏥所以麻煩暖男醫生👨‍⚕️寫轉介書去公立醫院排期⌛️⌛️⌛️
💊而藥物治療，就選擇由暖男醫生開的正廠藥💊💊💊

🤤🤤🤤可能小丸子人緣好啦🤤🤤🤤
🤤🤤🤤在醫院同事幫助下🤤🤤🤤

📣📣📣好快、好快吖📣📣📣，公立醫院就比咗個期去見腫留科醫生la (Oncology)

#第一次會診#
雖然係公立醫院，環境算唔錯bor

至於醫生、姑娘………
Ok la.  可能忙啦，個個樣都木口木面嘅🤣
不過，問乜嘢都盡力解答你知道👌🏻👌🏻👌🏻

跟著下來，他們安排我的治療方案：
1）Tamoxifen 五年💊💊💊
2） 電療30次⚡️⚡️⚡️

之後，小丸子就要進行逢星期一至五，共三十次⚡️⚡️⚡️。
（不過，又要排期度位，見另一個Oncology 醫生）

至於食💊，小丸子決定自己科水（比錢💰）食正廠藥
公立醫院會開比你，不過是副廠藥。
Hum 👉🏻👈🏻，雖然分別未必太大，反正每個月比一千元左右he, 買個安心law 。費事第日令自己有籍口怨天怨地ah 。
女人就是咁的啦⋯⋯

Ok. Tamoxifen 💊💊💊就開始食啦👌🏻

唉，手術後成兩個星期，傷口都接近癒合啦，由於小丸子局部切除手術的size 都不小（7cm)，再加前哨淋巴切除，神經痛於術後20天左右就開始🐦⋯⋯嗚嗚⋯⋯

晴天Pig Pig 的五月天⛈⛈⛈

艱難的五月天
灰色的五月天

2017年5月2日

等我Recap 下先🗣
📝 小丸子先被段症為Ca Breast 0期。☠️
📝 小丸子糊厘胡塗找到好醫生（暖男醫生）
📝 小丸子烈女上身，決定Go ahead 快快手術 😼😼😼

💡 先Decline 咗公立手術期（要成5月18日大刀🔪）
💡 再拿拿淋去私家做手術（有🉐️選擇只局部🔪😅）

🏥 半年內再被推入手術室都幾無奈下😿
🏥 咁零期好好彩架啦，話差不多💯% 醫好家嘛⋯⋯

手術完成啦⋯⋯✅✅✅
話明晴天Pig Pig 🐷 🐷, 跟著緊係洋蔥啦😭😭😭

1） 局部切範圍比估計要大
2） 最後報告：不只原位，因為有invasive Tumor cell。
        📢📢📢小丸子癌症變成一期吖📢📢📢

嗚嗚😭😭😭
又想爆粗啦💥💥💥
想點姐😭😭😭

接下來………

 2017年5月10日
又要再做手術🔪🔪🔪
半年第三次😑😑😑

完全不能入睡💤💤💤
精神狀態去到人生中最緊🆘🆘🆘

人好虛、好虛、好累、好累x 💯。
總之事事無趣🙎🏻🙎🏻🙎🏻

閨密怕我做傻事🙈
全方位360 看緊我、鼓勵我💪🏻💪🏻💪🏻

我自知唔對路，
咪樣衰衰咁，睇精神科囉🙍🏻（千其不要違疾忌醫）

呀，咁食咗💊又幾好bor👌🏻
起碼睡到幾個鐘頭😴😴😴
唔係點招架之後療程🙅🏻

2017年5月10日
做手術睇下淋巴有無擴散

😿 其實打定輸數架啦🙅🏻
😿 一心諗，我要買個靚D嘅假髮架👱🏻‍♀️

事緣去中心上堂時見到chemo 中病人戴假髪
😲 IOMG 媽呀, 假爆😳😳😳
我真係接受唔到囉😰😰😰（嗰條髮缐，假到………）

我寧願唔食飯都要買個好小小架勒（假髮）

仲諗定買乜野帽呀👒🎩👑⋯⋯
點做facial 呀⋯⋯好煩⋯⋯

仲有吖
我唔要好似佢地咁（ Da 咩❌)，depressive 到飛起😰
食藥食到變阿哀😑⋯⋯

小丸子真係諗🉐️太多鳥🐦⋯⋯

所以，閨蜜又全天候睇實我
怕我做傻事⋯⋯💉💉💉

雖然我知我係地獄黑仔王👻
小丸子有妳地呢班閨蜜👭👭👭
拋夫棄子、放工逐個咁輪住泥陪我😭😭😭

仲想點呀Babe 👉🏻👈🏻

💡 人間有情吖🤘🏻
💡 活著多好吖✌🏻
💡 Cancer有🉐️E 嘅👌🏻

時間飛咁快💨💨💨
又到咗 2017年5月12日（星期五）

喺下午4:49 pm
手術病理報告ready la📝：

暖男醫生一個Whatsapp 回覆：＂無事，好消息＂（喺度要多謝暖男醫生百忙中回覆，唔洗我驚多幾日。）

咁而家做醫生都唔易撈呀吓🙄🙄🙄

嗚嗚，喊出泥😭😭😭
小丸子D運番翻泥啦⋯⋯
小丸子又有番小小希望🌟

願你 🙏🏻🙏🏻🙏🏻

最近內地一篇學生作文，文章好火🔥
喺一位學生寫信給將來的自己

小丸子睇完，好touching 💚💚💚
有D位，好反映到我內心的感覺📢📢📢
自問無可能寫到這高素質的文章😑

所以想記錄係呢個Blog 之中
由於長文，只節録幾段令小丸子最滾動的：

願你🙏🏻🙏🏻🙏🏻

願你一生努力，一生被愛 。
願你道路漫長。
若沒有人陪你、顛沛流離，
便以夢為馬、隨處可棲。

願你在最無趣無助的日子，
仍對世界保持好奇。

撐不著就先睡一覺，等等再說。

還有人在愛你，你憑什麼辜負他們選擇放棄？

願你每次流淚都是喜歡極而泣。
願你精疲力盡時有樹可倚。

願你釋懷後一身輕。

願你走出半生，歸來仍是少年。

祝：
一生久安，歲月無擾

曾經的你

小丸子份人好感性🙍🏻
好需要海量的鼓勵、關懷
喺呢D咁軟弱、咁精疲力盡的時候
好需要💚💚💚喔⋯⋯

活著多好 🌟🌟🌟

原來：活著多好

相信，大家無病無痛，都係咁過日子
番工、照顧家庭、朋友聯宜、去下旅行🏖

小丸子咪又係咁，有穩定職業，同下honey 去旅行，約下朋友仔，upload 相片上FB放閃🌟呀咁………。

突然癌魔，一次及再一次來臨💀💀💀
令小丸子反思生命🌊
其實今次比上次喊少好多😭
相反今次有點欲哭無淚、仲大劑😣

真係寫低咗遺願、錢銀野💰💰💰

事實上：
☠️ 死亡不太害怕
☠️ 只是怕死前要受苦
☠️ 醫一次，驚一次
☠️ 叫做醫好咗，又話番發，又話擴散

如果有親人患癌 （睇電視都知啦）
🏳 大家知道幾勞累
🏳 真是窮你所有的鬥志
🏳 考你的耐性
🏳 考你的忍痛能力
🏳 考你的表達能力
🏳 考你的運數
🏳 令人担驚受怕
🏳 徹底改變你的生活、作息、習慣、口味

講呢D⁉️

事實上
我未想死住📢

事實上
我對患癌真的好有恐懼📢📢

內心好芧盾😭😭😭

有把聲音🗯：無洗驚，一期姐，大把某個藥醫，阿乜乜Ca 4期而家仲在生

另一把聲音🗯：化療好辛苦架，有D人好快又擴散，乜乜物物

利申：我未有hallucinations 😂😂😂 放心

不過，身體反應話我知

除佐傷口痛之外😑
心理真的adjust 唔到、真的cope 唔到啦😔😔😔

失眠
擔心
心悸、有時呼吸困難
體重下降
無胃口
疲累………。

好得人驚😳

小丸子平時睡覺好似隻🐷
五至十分鐘就進入全眠狀態😴😴😴

小丸子平時弱弱智智，有唔開心，
Belibala 喊完就算

小丸子有唔開心
買呀買呀，🉐️咗，立即開心曬😚

而家唔同曬❌❌❌

另一半都好大壓力😞
我又打亂他的生活💥
關係開始有磨擦🔥，而且越來越多🔥🔥

又放緊假，日對夜對
Really 互相折磨😞😞😞

我要尋求全方位360度支援🔛


96/51。61 11/7 @ 7:00

來回地獄又折返(2） ☠️👻🌟

上回提到📢📢📢
終於，面對治療的程序

2017 年5月3日🏥🏥🏥

跟暖男醫生確定了手術方案，因為是原位癌
似乎好樂觀吖，切除＂小小＂姐

上回有提到我是＂納米＂size的 🛫  😭

雖然身體髮膚受之父母
但生癌，保命，無計，go ahead 🔪🔪🔪

🔩 事實上
🔩 我都是女人
🔩 連我自己都介意吖………
🔩 好醜的、好痛的………

好感恩，另一半大大力話不介意
我想，個天對我不薄😭😭😭

始終無乜經過大風浪🌊🌊🌊
儍咗幾廿年，又＂再重擊＂多次👊🏻👊🏻
小丸子都好無耐………咪話唔傷心

事實上：
💬 都係要面對
💬 手術都係要做
💬 我條爛命（講笑姐：其實非常珍貴😏）
      📢📢📢就交付給專業的暖男醫生勒😍😍😍


終於，手術做完lu 🏥🏥🏥👏🏻👏🏻👏🏻
Mission Completed ✅✅✅

🈹 係好驚架😐
🈹 係幾痛架😑（頭一天）
🈹 係有傷囗架 （身及心）

結果係:
💝 暖男醫生專業判斷好，frozen 顕示切清D＂衰野＂
💝 暖男醫生手勢好，第二天傷口已經不太痛
💝 暖男醫生技術高，傷口結合very nice

好野👏🏻👏🏻👏🏻
Haliluya 🙏🏻🙏🏻🙏🏻

大家🈶️無留意caption
來回地獄又折返呀babe ☠️☠️☠️

點解個天咁對我？
㸃解我係地獄黑仔王？

手術後化驗報告📢📢📢
原位部分已切清，並且比相象中範圍大😑
並且顯示有侵蝕性😣

小丸子由人間再重返地獄呀💀💀💀
小丸子癌症已經變成一期啦🌊🌊🌊

⏳ 故事（治療）又改寫
⏳ 故事（治療）又復雜咗

小丸子睇乜都係灰色嘅🌚
小丸子做乜都無力量啦🍂

我，被打沉啦😣
我，真係接受唔到囉😭
我，以為手術後抖一個月咪🉑️以番工架👉🏻👈🏻
我，以為手術後，電療完咪可以＂開開針針＂咁同honey 生活下去家嘛🍀

📢真係有衝動想大大聲爆💥句粗囗📢 （PG🈲）
📢真係有衝動C鬼咗去 （大家咪學🈲）

我及另一半，壓力以倍數遞增🆘🆘🆘

🕸 黑暗中一星期
🕸 無論好朋友點開解我、鼓勵我、支持我
🕸 小丸子都無曬希望
🕸 小丸子跌落深淵

🍶 太太囗服液都無用架啦❌❌❌

咁故事之後又點？👀

來回地獄又折返 (1) ✨✨✨

來回地獄又折返人間（1）💀✨🐣

簡直係天國的雞🐔🐔🐔批 HK Version

事實上
女主角笨唔係玉女
只係一個阿姑 （儍估隻）（如果有現實版劉時鎮就超爽歪歪啦 😝）

💚 事實上，我唔想太摧淚令各位擔心😪😪😪
💚 事實上，我只想記低扶過我的人與事🤓🤓🤓

 2017年4月29日
尋找大夫經過🔎🔎🔎
事緣發生咗第一單原位癌，小丸子太驚恐，前後睇佐4位專科醫生（仲有三位中醫😳）
人都癲💀。經驗累積話我知，名牌養X 係唔錯，未醫已經加分，可惜全部(我感覺) 錢掛歳，feeling a bit uncomfortable 囉。錢係洗咗，甚至洗多咗，但未必真心為病人醫病（我感覺）。所以，一開始心中已經deleted 咗兩位所謂名醫。（又稱星球人 = 每星期賺一球野💰💰💰的人）

咁，點選擇呢？咁咪上網囉🖥、人地介紹囉👍🏻⋯⋯
咁時間太緊迫啦，胡里胡桃，又要book 到，又要有feel 💚，最好無腐皮（負評❌） 。

登櫈：姑且叫佢＂暖男醫生＂。🎉🎉🎉😂😂😂
如果叫靚仔，我未免太膚淺啦👉🏻👈🏻

👦🏻 暖男= 令人有安全感+外貌都唔錯+真心幫病人😻😻😻

正喱😏。小丸子遇貴人啦😹😹😹。
如果各姐妹有上網搜尋有關breast disease ， 一定一定有browse 個呢個super nice 的Breast HK 😍😍😍. 睇完，特別係有病時，佢簡直係妳的明燈、為妳護航，為妳開路、開解妳、明白妳
 又下刪千字👉🏻👈🏻

Finally book 咗。開始醫病啦⋯⋯🗣

第一次會診 2/5/2017🤔：
事實上，第一次見面，感覺cool cool 的😎😎😎

心諗，頼野🙀。都無乜eye contact 😑. 都唔事網上D人話佢好好呀，🉐️唔🉐️架😅⋯⋯

事實上，睇人係要小小時間的👀

咁之後我講自己病況 blah blah blah，我 長氣到爆炸💥
佢又真係好細心聽，分析、比意見，又ultra sound 又承

真係做到：有唔明，慢慢講你知👍🏻👍🏻👍🏻
比solutions. 分析利弊⋯⋯⋯勁過維基解密😂

好野👏🏻。小丸子遇貴人吖🎉🎉🎉
好野👏🏻。小丸子D運番泥啦🎉🎉🎉

會診後結果🙄
我係有🉐️揀的✅✅✅

手術詳情不便、其實不想透露太多😭😭😭 👉🏻👈🏻
一句到尾，相比公立，找私人surgeon 喺會多D option （費話）

暖男醫生，係會好清楚，有心機，分析過妳知✨✨✨
Everything is make sense n let you feel well ………👉🏻下刪萬字👈🏻

見完呢位大師，差不多唔洗考慮啦，立即說 I Do 😍😍😍.
Do 乜？做手術囉😼。將我條爛命交比佢醫🍀

而今次好邪咁，完全無諗找多個醫生睇bor🤔🤔🤔
原因is so simple la. 佢好囉👍🏻👍🏻👍🏻

隔天，已經上診所寫紙入院做手術吖😼
（成世人都是咁衝動🙈）

一提，我另一半好小🗣、係好小🗣🗣、接近零吖🗣🗣🗣，係不會❎讚人的🗣🗣🗣🗣
佢竟然都讚暖男醫生（只見過一次之麻🙄）係好醫生👍🏻👍🏻👍🏻

利申：無收過任何廣告費。

開心時間真是過得好快的💨💨💨
好快就入院做手術啦🏥🏥🏥

鐵一般的事實 🔩🔩🔩

🙍🏻🙍🏻🙍🏻

心亂如麻 😞😞😞

2017年4月29日
另一半又提提我，找個private 睇🔎🔎🔎

好姊妹又提提我，癌協都有好多資訊及專業人士幫我呢類無助者（即係盲毛）解問各樣問題。好，向hotline問，walk in 就可以架啦。星期六day off. 一早同另一半去見中心護士先👌🏻。
抓緊時間💨💨💨。

去到中心，其實有D面懵懵，一向treat人，而家自己係patient. 仲要係Cancer，都好無奈………
吞啖口水，鼓起勇氣🙋🏻，辦手續入會。

真心覺得，中心好好wor 👍🏻：
不用排期，填好form. 要show 下appointment slip , 證明生cancer 就可以啦🙄😐😑
相比公立見姑娘，呢度簡直係天堂👼🏻👼🏻👼🏻：

👍🏻 快約見 （係即日吖📢📢📢）
👍🏻 專業人事處理cancer case （好pro）
👍🏻 有愛心及同理心 （非常重要）
👍🏻 大量不同活動 （一定有野arm 自己）
👍🏻 有耐性及時間同妳傾 （公立太忙，係做不到）
👍🏻 甚至關顧埋另一半的感受/情緒及關係 （全人治療）
                              Free of charge babe

那天安排見護士 （當日黃雨🌧️，真貼切😭）
當然又要recall 番我的情況
咁又要回顧半年，係半年間確診患癌的＂悲劇慘故事＂🙍🏻🙍🏻🙍🏻

大家都知道，小丸子recall history 會發生什麼事啦⋯⋯

咪又係喊到🐷🐷🐷頭囉⋯⋯

真是笑C人、嚇死人架（幾廿歲人都好似死港女咁）另一半都見怪不怪🙄👉🏻👈🏻

下刪萬字，姑娘如何鼓勵我、比意見我📚📚📚
     ✨✨✨人生好似有番小小希望咁✨✨✨

點解我要提癌協呢？？？
又無廣告費收
但喺好無助時，有專業人士傾下、比意見，老土講句，真是安心咗

一句到尾
患癌令我/人喪膽💀💀💀
我要全方位找支持………

不可以忌違
我都係人泥，仲要一向儍下儍下😵，全方位找人幫拖

籍此真係要多謝遇到身邊的天使
我唔記低，我怕自己會忘記
我唔記低，我怕唔知邊日瓜咗但又忘記多謝呢班扶我的人

我衷心多謝您哋😘😘😘x 💯 infinity

由於我restrospective 記錄，所以可能悶D D ，大家慎入睇👀

劇透📢📢📢：

之後會提提抗癌好重要的人：我的主診醫生💚💚💚

另一半👦🏻，你對我好我係知既。唔好嬲住👉🏻👈🏻，您都係我好重要的人，簡直跪求您唔好飛咗我😭😭😭。我一定會好好記低您給予我的支持👍🏻👍🏻👍🏻

當然，小丸子一班老友，笨唔係平時he he HA HA 就算
真係兩脇插刀嗰隻⚔️⚔️⚔️

Sorry. 小丸子又要喊啦⋯⋯

待續。











如果妳曾經上網找有關乳癌資料，咁browser一定read過一條Link
老實說講，堅係🉐️。唔睇真係妳損失。

再一次重擊👊🏻👊🏻

再一次重擊👊🏻👊🏻

唔通真係連個天都唔幫我😿
🙋🏻 自問個人都唔錯，善良、溫柔、有愛❤️、感性
🙋🏻 自問會做善事、會祈禱、對生命有昐望（係唔番敎會啫😅）
🙋🏻 自問都孝順、顧家，做事都認真㗎
🙋🏻 對病人（小妹乃係醫療人員），真心幫他們，好得clients 愛載架
                  🙃 下刪千字自我醉ing 醉………🙃

算把啦，我懂的，其實通通都唔關事架🙄。
該C唔洗病。

諗住病完一野，另一半提提我做個Body check. 咪做囉
諗住過關格，點知，再一次重撃👊🏻👊🏻

Mammogram有野😱😱😱。
無錯，又有野。好記得抽粗針時，眼涙又如雨下🌧️🌧🌧
不止肉體的痛苦，是心靈的創傷。大佬、媽媽、天父喔，又黎有事？？？
我做錯乜樹先，嗚嗚😭😭😭

好記得2017年4月11日（上午）
開會途中有醫院來電
X小姐，報告出咗泥，有問題，請叫埋你家人泥，同埋提早D泥………

收線後，仲要扮無事開會………

小丸子睇所有野都係灰的
小丸子真的有想死的衝動
今次無啦、無啦，無可能架

我阿媽同家族無乳癌
我阿嫲八十幾歲先瓜👵🏻
我阿婆而家成百歳仲生out out 👵🏻

畢竟半年未夠，係半年吖、半年吖📢📢📢
任誰也不易接受吧😞😞😞

下刪萬字………

好啦，到診日見醫生啦：🏥🏥🏥（巧靚女、又後生）
心諗個天乜咁唔公平😒

Blah blah bla ：右乳原位癌，要手術
最好全割，加電療，乜乜物物

喊到🐷頭啦

另一半好冷靜
其實佢真係好冷靜、分析力強，永遠在我心亂如麻時，替我理性分析

咁我喊完又回魂👻

仲寫咗個table 分析下不同手術方案的利與弊 （雖然根本無乜利😢）

但保命bor
無奶油唔理佢，由得佢架
咁之前仲洗佐十幾萬💸💸💸於養X 做手術，咁快瓜
咪好唔抵😵

咁醫生話原位姐，差不多💯巴仙康復架

咁我本身都係＂納米＂size 架啦
都唔係幾覺的🛫

另一半話唔介意Tim ah

當日竟然泛起絲絲䁔意😍😍😍、幸福感💚💚💚澎澎聲

事實上
溫暖感、幸福感過咗（一剎那💫），又要面對事實

😞 我怕痛
😞 我怕醜 （乜都無曬，又有一條長scar）
😞 又話要電療

由於在公立睇，基本上無乜手術option
見完醫生、姑娘，仲即刻比期手術，五月中🏥💉🔪

真是有efficiency 😭

個💚都未平靜得切，又要make decisions
仲要呢D手術………

小丸子又亂啦🙎🏻🙎🏻🙎🏻

第一次重擊👊🏻

2015年，儍下儍下入咗大內總管部門，以為可以一展實力。誰知一入XX 深似海。工作、會議令人抖不過氣，自信心、身心靈完全被毀，身體也開始作出反應………。無論你話我唔科學，無醫學理據乜乜物物。我堅認為，cancer 就在那時activate 的 💣💥🔥。

2016年10月30日
Pap smear suggestive 子宮頸原位癌。6粒肌瘤及一粒朱古力瘤。死未😳。Hum. 醫生話唔洗驚，再照下先，悪夢就開始啦🌾🍃🍂。

一個又一個檢驗：ultra sound , endocervical aspiration （諗起仲痛），Colposcopy陰道鏡,  Leep 電環切除 (frankly 這個不痛，只係下面熱熱地)。
總之係咁比人隊、係咁刮、係咁電。噢，大佬，刮完未😰。男人有男人之痛，其實女人也一樣喔。每次都眼淚流，而每次報告都令人沮喪。媽，點解我要受咁多苦😞😞😞。

這些酷型檢查、等報告的日子，也持續至12月初。
小丸子決定，一刀🔪了斷。因為，原位癌已經確定啦😞。

因為公立、養X 兩邊follow up. 兩邊suggest 也不同。
公立：Conization.
養X: 全子宮切除😭😭😭

人生交义點🙄
Hum。話我驚青又好，乜都好。生癌bor. 一切🔪了之好似safe DD。
當然，姊妹們不要相信我呢個選擇，因為個個情況不同，要請教醫生⋯⋯

咁我都決定唔生仔，（4X都未必生到😰）。利申：健康身體唔錯，生活正常，無煙無酒，無濫交、無濫交吖⋯⋯。天喔，why me ？公平咩😭😭😭

結果，喺另一半反對下，我決定option 2 😳

到今天，我依然沒有後悔這决定 (其實後悔都無用ga la）😂

到今天，只是很無奈、不捨地放棄這個上天給予女性的器官，跟＂她＂説Bye Bye 👋🏻

2016年12月7日
於養X 進行子宮切除手術。
幾廿年黎，第一次做手術。被麻醉，被插foley 被插喉………

前文講過，另一半是＂不建議＂這option . 這次烈女上身，一意孤行（振妻剛😭）無人阻止到我呢個決定ga la 🏃🏻‍♀️。事實上，中間的心路歷程，都好苦下。唉。可以開多個blog 分享………

好好彩。
切除之後，最後化驗報告，只是原位癌。無Invasive. 無擴散。
好野👏🏻。以為自己唔好彩已經過去，可以養好身體生活下去⋯⋯

其實，手術一星期後無啦啦 Haematoma。痛得死去活來。ok. 仲頂得住。D積血慢慢改善👌🏻。但點解，乜都切曬啦，follow up 照ultra sound又話右邊卵巢仲有粒野？！嗚，天喔？

唉，又要被迫接受囉。照密D monitor 住。不過，以小丸子善忙的性格，唔會驚好耐。諗下去旅行呀，諗下工作發展呀，儍下傻下生活下去。咗仲好叻咁，以為病咗一次，個人會成熟咗、睿智咗、同另一半感情好咗………

原來，幸福不是必然
原來，黑暗係會持續
原來，生命本無常

享受了片刻的幸福二個多月
再一次受重擊

每天，都有烏雲蓋天一樣
叫我抬不起頭去面對😞😞😞